أعلن المخرج المصري محمد سامي اعتزاله الإخراج التلفزيوني بعد 15 عاما من العمل في الدراما، وكشف توجهه لدراسة مجال جديد خارج مصر لمدة عامين.
وكتب محمد سامي منشوراً عبر حسابه الشخصي بموقع انستغرام: «وداعاً الدراما التلفزيونية. السنة دي كانت آخر أعمالي التلفزيونية واللي فيها بودع المسلسلات. رحلة طويلة حوالي 15 سنة، قدمت فيهم كل اللي قدرت عليه لإسعاد الجمهور العربي وحققت بفضل ربنا نجاحات مع نجوم كتير ومع شركات وقنوات كلها مهمة».
وتابع سامي: «كان دائماً الجمهور بيشجعني سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم. والحمد لله انتهيت منها وكان آخرها 2025. معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل».
وأضاف سامي: «الحمد لله آخر عملين ليا إش إش وسيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز».
أخبار ذات صلة
ووجه سامي رسالة اعتذار لجمهوره، وأكد: «بعتذر عن أي مشهد قدمته أثناء الرحلة ولم يلق استحسان الجمهور أو إعجابهم، في الآخر الفنان دايماً بيجرب والفنون جنون زي ما بيقولوا».
وكشف توجهه لدراسة مجال جديد خارج مصر لمدة عامين في خطوة فنية جديدة، معلقاً: «أدعولي الفترة الجايه عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان وأجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها. مقتنع إن الشخص يقدر في أي وقت يقرر يوقف حاجة بيحبها عشان يعمل حاجة تانية بيحبها برضه وعايز يجربها بس محتاج عيله تسانده على اتخاذ قراره، كل التوفيق لكل زمايلي وبحبكم وبشكركم على سنين المنافسة الجميلة اللي عملت أسماءنا كلنا وأتمنى لنفسي التوفيق في الخطوة الجديدة».
